सरकारी मान्यताको स्वागत

नेपाल समाचारपत्र (काठमाडौं) नेपाल संवत्लाई राष्ट्रिय संवत् घोषणा गराउने चुनौतीले निकास पाए पनि व्यावहारिक प्रयोगमा अझै थुप्रै बाधा रहेको पर्यटनमन्त्री हिसिला यमीले बताउनुभएको छ।

नेवाः जागरण मञ्चद्वारा न्हुँ दँ ११२९ को अवसरमा शनिबार आयोजित शुभकामना आदान-प्रदान तथा तुच्चा कार्यक्रममा शुभकामना सन्देश दिँदै उहाँले भन्नुभयो- जनयुद्धले भत्काएका सामन्ती सोच र उत्पीडित-उपेक्षित जनताद्वारा स्थापित मूल्यमान्यतालाई जसरी देशी-विदेशी षड्यन्त्रकारीहरूले कार्यान्वयन गर्ने कार्यमा तगारो तेर्स्याउने कार्य भइरहेको छ त्यसै गरी देशभित्रै राष्ट्रिय संवत् नेपाल संवत्लाई संकुचित घेरामा सीमित पार्ने षड्यन्त्र हुन सक्दछ।’

कार्यक्रममा नेपाली कांग्रेसका सभासद् नवीन्द्रराज जोशी, ध्यानगोविन्द रञ्जित, कृष्णा अमात्य, नेपाः राष्ट्रिय पार्टी सभासद् बुद्ध सायमी, नेवाः देय् दबूका महासचिव पवित्र वज्राचार्य र पर्ूवमन्त्री पीएल सिंहलगायतका व्यक्तित्वहरूको सहभागिता रहेको थियो। तुच्चा कार्यक्रमलाई स्वागत गर्दै मञ्चका संयोजक सुजीव वज्राचार्यले नेवार संघीय राज्यव्यवस्थाको नजिक र स्वायत्त अधिकार प्राप्तिका लागि सक्षम हुँदै गइरहेको बताउनुभयो।

यसैबीच नेवाः महागुथि नेपाःद्वारा नेपाल संवत्का प्रवर्द्धक राष्ट्रिय विभूति शंखधर साख्वाः बारे अनुसन्धान गरी योगदान पुर्याउनुभएबापत इतिहासविद् भुवनलाल प्रधानसहित ४ जनालाई सम्मान गरेको छ। सम्मानित अन्य व्यक्तिहरूमा स्व. ज्यापु पञ्च, पत्रकार बुद्धाचार्य शाक्य र आर्किटेक्चर सौभाग्य प्रधाना• हुनुहुन्छ।

शंखधर अनुसन्धान सिरपाः समितिका संयोजक डा. सुन्दरकृष्ण जोशी, काशीनाथ तमोट र पुरातत्त्वविद् साफल्य अमात्यको निर्णायक मण्डलले पुरस्कृतको छनोट गरेको थियो।
यसैबीच नयाँ वर्ष११२९ को उपलक्ष्यमा नेपाली कांग्रेसका सभापति रामकृष्ण चित्रकार, श्रीमती मीना र क्यानेडियन नागरिक नव हाउडद्वारा बालमन्दिर नक्सालमा एक बालभोजन कार्यक्रम आयोजना गरियो।

यसैबीच स्यस्यः समाज, नेपाल भाषा मंकाः खलः र ल्याय्म्ह पुचः
-युवा समूह)ले नेपाल संवत्लाई नेपाल सरकारले राष्ट्रिय मान्यता दिएकोमा प्रसन्नता व्यक्त गर्दै सरकारको सो निर्णये सम्पूर्ण नेपालीलाई गौरवान्वित गराएको जनाएका छन्।

स्यस्यः समाजको शनिबार बसेको बैठकले नेपाल सरकारलाई राष्ट्रिय मान्यता दिइएकोमा स्वागत गर्दै नेपाल समाचारपत्रलाई इमेज पुरस्कार प्राप्त भएकोमा बधाईसमेत दिएको छ।
पुचःको शनिबार भएको विशेष साधारण सभाले पुचःले लामो समयदेखि उठाउँदै आएको मागलाई सरकारले सम्बोधन गरेको भन्दै निर्णयाई प्रभावकारी रूपमा कार्यान्वयन गर्न सरकारसँग अनुरोध गरेको छ।

मंकाः खलःले जारी गरेको विज्ञप्तिमा भने निर्णयकार्यान्वयन गर्न सरकार गम्भीरतापर्ूवक लाग्ने विश्वास गरेको छ।

यस्तै राष्ट्रिय विभूति शंखधर साख्वा प्रतिष्ठानले शनिबार नै एक वक्तव्य जारी गरी नेपाल संवत्लाई राष्ट्रिय संवत् घोषणा गरिएकोमा स्वागत गर्दै त्यसको कार्यान्वयनका लागि तत्काल कार्यदल खडा गर्न आग्रह गरेको छ।

यसैबीच हेटौंडा संवाददाताका अनुसार चन्द्रशमशेरले जातीय अहंकार तृप्ति गर्न र भारतीय संस्कृतिमाथि गर्व गर्दै त्यहाँका राजपूतसँग नजिक हुन सरकारी प्रचलनबाट हटाएको नेपाल संवत्लाई वर्तमान सरकारले मान्यता दिएपछि यहाँका विशेषतः नेवार समुदाय खुसी देखिएका छन्।

कतारमा नेपालीको मृत्यु

कास